રોજ પ્રતિજ્ઞાની શૈયા પર સૂતી વખતે એને થાતું,
ઈચ્છાને આધીન રહી, નહી મર્યાની આ પીડા છે. - ભીષ્મ
ઈચ્છાને આધીન રહી, નહી મર્યાની આ પીડા છે. - ભીષ્મ
સમજણની નજરેયથી ના સમજે તો સમજી લેવાનું
પુત્રમોહમાં આંખોએ અંધાર વર્યાની આ પીડા છે. - ધૃતરાષ્ટ્ર
પુત્રમોહમાં આંખોએ અંધાર વર્યાની આ પીડા છે. - ધૃતરાષ્ટ્ર
આંખો પર પાટા બાંધો એ દ્રષ્ટિનું અપમાન જ છેને
આમ જુઓ તો હકીકતોથી રોજ ડર્યાની આ પીડા છે. - ગાંધારી
આમ જુઓ તો હકીકતોથી રોજ ડર્યાની આ પીડા છે. - ગાંધારી
નહીંતર એવી કંઈ મા છે જે વ્હાલ નદીમાં તરતું મૂકે ?
કુંવારા સપનાએ સૂરજ સહેજ સ્મર્યાની આ પીડા છે. - કુંતી
કુંવારા સપનાએ સૂરજ સહેજ સ્મર્યાની આ પીડા છે. - કુંતી
નથી જાણતા એમ નથી પણ કોઈ પૂછે તો જ એ બોલે છે,
જીવન બીજું કશું નથી, બસ ભેદ ભર્યાની આ પીડા છે. - સહદેવ
જીવન બીજું કશું નથી, બસ ભેદ ભર્યાની આ પીડા છે. - સહદેવ
ખેંચાતા વસ્ત્રોના કંઠે માંડ આટલા શબ્દો નીકળ્યાં,
‘હોય અંધના અંધ’, એટલા વેણ ઝર્યાની આ પીડા છે. - દ્રૌપદી
‘હોય અંધના અંધ’, એટલા વેણ ઝર્યાની આ પીડા છે. - દ્રૌપદી
સો સો હાથીનું બળ પણ લાચાર બની ચિત્કારી ઉઠ્યું,
વચનોનાં લાગેલ મારની કળ, ના ઉતર્યાની પીડા છે. - ભીમ
વચનોનાં લાગેલ મારની કળ, ના ઉતર્યાની પીડા છે. - ભીમ
કવચ અને કુંડળની સાથે, જીવ ઉતરડી પણ આપું કે ?
હોવું એ તો અકસ્માત છે, તેનું તેજ ખર્યાની આ પીડા છે. - કર્ણ
હોવું એ તો અકસ્માત છે, તેનું તેજ ખર્યાની આ પીડા છે. - કર્ણ
તાકેલો નિશ્ચય ધ્રૂજે તો, એને તો કહેવું જ પડેને,
હા અથવા ના ની વચ્ચોવચ, આમ ફર્યાની આ પીડા છે. - અર્જુન
હા અથવા ના ની વચ્ચોવચ, આમ ફર્યાની આ પીડા છે. - અર્જુન
અંગૂઠો ખોયાનો અમને રંજ હજુયે છે જ નહિં બસ
ખોટી મૂરત સામે સાચા થઈ ઊભર્યાની આ પીડા છે. - એકલવ્ય
ખોટી મૂરત સામે સાચા થઈ ઊભર્યાની આ પીડા છે. - એકલવ્ય
છેક સાતમા કોઠામાં, ઘેરાયેલા સાહસને લાગ્યું,
માના કોખમાંથી હોંકારા, ઉચર્યાની આ પીડા છે. - અભિમન્યુ
માના કોખમાંથી હોંકારા, ઉચર્યાની આ પીડા છે. - અભિમન્યુ
મૃત્યુ સામે કપટ હારતુ, લાગ્યું ત્યારે સમજાયેલું,
કેવળ પાસામાં જ અમારો, જીવ ઠર્યાની આ પીડા છે. - શકુનિ
કેવળ પાસામાં જ અમારો, જીવ ઠર્યાની આ પીડા છે. - શકુનિ
'નરો વા કુંજરો વા' ની વચ્ચે ભાંગી પડતી એ પળ બોલી
વિદ્યા વેચી વેચી સામે-પાર, તર્યાની આ પીડા છે. - દ્રોણ
વિદ્યા વેચી વેચી સામે-પાર, તર્યાની આ પીડા છે. - દ્રોણ
થાકી હારી આંસુના તળિયે, બેઠા ત્યાં તો સંભળાયું,
ધર્મ જાણવા છતાં અધર્મે, રહી ઉછર્યાની આ પીડા છે. - દુર્યોધન
ધર્મ જાણવા છતાં અધર્મે, રહી ઉછર્યાની આ પીડા છે. - દુર્યોધન
અંતહીન અંધારે મારગ, ઘુવડની જેમ ભટકવું એ તો,
અર્ધા જીવતા રાખી અર્ધા, પ્રાણ હર્યાની આ પીડા છે. - અશ્વત્થામા
અર્ધા જીવતા રાખી અર્ધા, પ્રાણ હર્યાની આ પીડા છે. - અશ્વત્થામા
ક્યાં છે, ને કેવું છે, એ હું સમજાવું પણ કેવી રીતે ?
સત્ય એટલે મુટ્ટીમાંથી રેત સર્યાની આ પીડા છે. - યુધિષ્ઠિર
સત્ય એટલે મુટ્ટીમાંથી રેત સર્યાની આ પીડા છે. - યુધિષ્ઠિર
મહાકવિ તો કહેવાયા પણ સાચું કહું આ વ્યથા-કથામાં,
ઓતપ્રોત થઈ ઊંડે ને ઊંડે વિચર્યાની આ પીડા છે. - વેદવ્યાસ
ઓતપ્રોત થઈ ઊંડે ને ઊંડે વિચર્યાની આ પીડા છે. - વેદવ્યાસ
*********