શબ્દ-આસ્વાદ

નીચે જુઓ. ! પેલી નાનકડી ભુખી માછલીઓ જુઓ.. કેવી આતુરતાથી તમારા ‘માઉસ’ તરફ તરતી દોડી આવે છે. તેમને લાગે છે કે તમે અન્નના થોડા દાણા નાખશો. તે ભૂરા પાણીમાં ગમે ત્યાં ‘ક્લિક’ કરો. થોડા દાણા પડશે..અને પછી જુઓ, કેટલી તત્પરતાથી તેઓ તે વિખરાયેલા દાણા ખાઈ જશે. માનવ-મન પણ આ ભુખી માછલીઓ જેવું જ છે. હમેશા ગોતતું જ હોય છે કઈક રસાળ વાંચન. આ એક સામાન્ય ‘બ્લોગ’ છે, નાની નાની કવિતાઓ, ઘટનાઓ અને સંદેશાઓનો. કોઈક ગંભીર તો કોઈક હળવા. આ એક નમ્ર પ્રયત્ન છે, વારે તહેવારે ને છાશવારે ભુખ્યા વાંચકોને થોડા થોડા દાણા નાખવાનો.

Tuesday, February 1, 2011

કન્યા વિદાય…-અનિલ જોશી

સમી સાંજનો ઢોલ ઢબૂકતો જાન ઊઘલતી મ્હાલે

કેસરિયાળો સાફો ઘરનું ફળિયું લઈને ચાલે

પાદર બેસી ફફડી ઉઠતી ઘરચોળાની ભાત

ડૂસકે ડૂસકે હડસેલાતી બાળપણાની વાત

પૈડું સીંચતા રસ્તો આખો કોલાહલમાં ખૂંપે

શૈશવથી ચીતરેલી શેરી સૂનકારમાં ડૂબે

જાન વળાવી પાછો વળતો દીવડો થરથર કંપે

ખડકી પાસે ઊભો રહીને અજવાળાને ઝંખે

સમી સાંજનો ઢોલ ઢબૂકતો જાન ઊઘલતી મ્હાલે

કેસરિયાળો સાફો ઘરનું ફળિયું લઈને ચાલે

-અનિલ જોશી

1 comment:

AnonymousApril 30, 2012 at 4:30 AM
અશ્વિનભાઈ,
શ્રી અનિલ જોશીની આ કવિતા તેમના જ મુખેથી સાંભળવાનો લ્હાવો મળ્યો હતો, તેની વિડીયો ક્લીપ અહીં છેઃ http://www.chiragthakkar.me/2011/11/blog-post.html
મળતા રહીશું.
સસ્નેહ,
ચિરાગ ઠક્કર 'જય'
ReplyDelete
Replies

Subscribe to: Post Comments (Atom)