પ્રેમમાં પડ્યા...

ધંધો નથી ગમતો, નાં નોકરી ગમે છે

કે જ્યારથી અમોને એક છોકરી ગમે છે

એનો જ એક ચહેરો ઘૂમે છે મગજમાં

ઘર નથી ગમતું, નાં ઓશરી ગમે છે

જીન્સ, ટી-શર્ટ પહેરેલી બહેનપણીઓ વચ્ચે

સાદો પંજાબી ડ્રેસ અને ઓઢણી ગમે છે

પરવા નથી કે એમાં લખેલું શું છે

જેમાં રાખે ગુલાબ, એ ચોપડી ગમે છે

સખીઓની સાથ એ ખાય શિંગ ખારી

ને પછી, ફેંકે જે અદાથી, એ ફોતરી ગમે છે

ગ્રીટિંગ-કાર્ડો નું આ પ્રેમી કરે શું

એને તો લાલ-લીલી બસ, કંકોત્રી ગમે છે

કે જ્યારથી અમોને એક છોકરી ગમે છે

~~~