લાવ, જરા હું શબ્દો ખોળું
જીવનનો જરાક હું આનંદ ચોરુ
કોરા કાગળ જેવી છે આ જીન્દગી તો
એમાં હું અમૃત-શબ્દો ઘોળું
છો, દૂર ભલે અત્યારે મારાથી
કરી દઉં શબ્દોથી સમીપ તને
પછી હું આનંદને વ્હોરું
રચાયો છે અબોલાનો કિલ્લો અહીં
કેમ, ના તેને હું શબ્દોથી તોડું ?
મારું ચોટ એવી, દિલપર તારા
પહેરાવી શબ્દોનું મહોરું
રચું છુ શબ્દોની સરિતા અહીં
લઇ જાઉં તને પેલે પાર
પણ પહેલા જરા.. હસો જોઉં થોડું..!
છે ‘પ્રેમ’ શબ્દ અહીં અટુલો
આપે જો મંજૂરી તો એને
હું તારા નામની સાથે જોડું
લાવ, જરા હું શબ્દો ખોળું....
No comments:
Post a Comment