અમે બરફનાં પંખી રે… ભાઈ ટહુકે ટહુકે પીગળ્યાં
લૂમાં તરતો ઘોર ઉનાળો
અમે ઉઘાડે ડિલે
ઓગળતી કાયાનાં ટીપાં
કમળપાંદડી ઝીલે
ખરતાં પીંછે પછડાતી બપ્પોર મૂકીને નીકળ્યાં !
અમે બરફનાં પંખી રે… ભાઈ, ટહુકે ટહુકે પીગળ્યાં.
લીલાંસૂકાં જંગલ વચ્ચે
કાબરચીતરાં રહીએ
નભમાં ઊડતાં સાંજ પડે તો
સોનલવરણાં થઈએ
રાત પડે ને ડાળ ઉપરથી કોયલ થઈને ટહુક્યાં !
અમે બરફનાં પંખી રે… ભાઈ ટહુકે ટહુકે પીગળ્યાં.
- અનિલ જોશી
No comments:
Post a Comment