હમણાં'જ ભૂલ્યો તને, એ દોસ્ત !
પણ ફરી યાદ આવે,
તો આવે'ય ખરી.
યાદમાં ફરિયાદ આંસુ લાવે,
તો લાવે'ય ખરી.
અંધારી હવામાં રોજ શોધું છું મધરાતે
કયાંક ખોવાયેલી નીંદર હાથ આવે,
તો આવે'ય ખરી.
રાતે તો સપના રોજ રોજ આવતા
હવે દિવસે દીવા-સ્વપ્ન સતાવે,
તો સતાવે'ય ખરી.
ના મોર, ના ટહુકા, ના વીજળી, ના વાદળ
તોય આ માગશરમાં, વર્ષા નયને આવે,
તો આવે'ય ખરી.
એકજ તારા અણસારને
સાચવું ક્યાં સુધી, મારા જીગર !
ઈચ્છા ફરી મળવાની થઇ આવે
તો થઇ આવે'ય ખરી.
હમણાં'જ ભૂલ્યો તને, એ દોસ્ત....
No comments:
Post a Comment