લાલાશ મારી યાદની, હવામાં ભરી જઈશ
ગુલમહોર મારી લાગણીનો, તુજ મનમાં પાથરી જઈશ
તારી, ઉડતા ફૂલોની કલ્પનાને સાચી પાડવા,
આપી મહેક પતંગિયાને, હું ખરી જઈશ
પછી આખુંયે મન-વન મહેકતું રહેશે સદા
અંતરના થડમાં નામ સુગંધી કોતરી જઈશ
હું તો છું પીછું કાળના પંખીની પાંખનું
સ્પર્શું છું આજ આભને, કાલે ખરી જઈશ
ટહુકશે અભાવ મારો મોરની જેમ
ઘેરાશે વાદળ ને જોજે, હું સાંભરી જઈશ
લાલાશ મારી યાદની, હવામાં ભરી જઈશ....
~~~
No comments:
Post a Comment