તમે ટહૂક્યાને આભ મને ઓછું પડ્યું,
ટહુકારે એક એક ફૂટી પાંખો ને હવે
આખું ગગન મારું ઝોલે ચડ્યું.
આખું ગગન મારું ઝોલે ચડ્યું.
લીલી તે કુંજમાંથી આવ્યાં બે બોલ,
જેમ ઊજળી કોઇ સારસની જોડ,
પાંખોની હેલાર લઇ પાંપણીયે ઉર મારું,
વાંસળીને જોડ માંડે હોડ.
તરસ્યા હરણાની તમે પરખી આરત,
તરસ્યા હરણાની તમે પરખી આરત,
ગીત છોડ્યુંને કૂંજમાંથી ઝરણું દડ્યું.
મોરના તે પીંછામાં વગડાની આંખ લઇ,
નીરખું નીરખું ન કોઇ ક્યાંય,
ઘેલી વનરાઇ હવે ફાલી સોનલ ક્યાંય
તડકાની લ્હાય નહિ ઝાંય,
તડકાની લ્હાય નહિ ઝાંય,
રમતીલી લ્હેરખીને મારગ ન ક્યાંય
વન આખુ રે લીલેરા બોલે મઢ્યું.
વન આખુ રે લીલેરા બોલે મઢ્યું.
તમે ટહૂક્યાને આભ મને ઓછું પડ્યું,....
No comments:
Post a Comment